Айбек Нұғымаров "Әлем барысының" жартылай финалына шықты

Белдесу басында биылғы "Қазақстан барысында" топ жарған Еламан басым болатын. Алайда уақыт өте тәжірибесіне сүйенген Айбек айла-тәсілдерін жүзеге асырып, жеңіске бастар жолды тауып кетті.

Айта кетейік, Астанадағы "Әлем барысына" елімізден 5 балуан қатысуда. Дәурен Нұралинов пен Айбат Сейтен жарысты 1/8 финалда аяқтаса, Айбектен жеңілген Еламан да жүлдесіз қалды. Алдағы уақытта Ержан Шынкеев белдесуге шығады.