Әуесқой боксқа оралған экс-капитан халықаралық жарыста үздік атанды
Әлем және Еуропа чемпионы Георгий Канделакидің жүлдесіне өткен жарыста Қазақстан командасы 3 алтын, 3 қола медаль жеңіп алды. Ал команда құрамында болған Абылайхан Жүсіпов турнирдің үздік боксшысы атанды.
Абылайхан Жүсіпов - әлем чемпионатының үш дүркін қола жүлдегері (2017, 2019, 2021 жылдары), 2017 жылы Ташкентте өткен Азия чемпионатының күміс медаль иегері. Ұлттық құрама капитаны да болды.
Кейіннен кәсіпқой боксқа ауысып, 4 жекпе-жек өткізді. Бәрінде жеңіске жетіп, үшеуінде қарсыласын нокаутқа түсірді. Ал жуырда ғана әуесқой боксқа қайта оралғанын хабарлады.