Футболдан Еуропа лигасының 1/16 финалындағы қарымта ойындаАстанаЛиссабондаСпортингпентең түсті. Ойында елордалық ұжым 3:1 есебімен ұтылып тұрып, есепті теңестіре білді. Португалдық клуб ойында жылдам гол соғып, есепте алға шықты. 3 минуттаБас Досттыңбаспен бағыттаған добынНенад Эричқайтарып үлгере алмады. Ал оған дейінПатрик Твумасидіңшабуыл кезінде бағыттаған добы қақпа бағанынан қайтқан-ды. 36 минуттаДжордже Деспотовичтіңтепкен добы да қақпа бағанынан қайтты. Әйтсе де араға бір минут салаСтанимир Стойловшәкірттері есепті теңестіре білді. Бұрыштамадан асырылған доптыМарин Томасовтура бағыттап, гол соқты. Екінші таймда да командалар екі-екі голдан соқты. 52 минутта Деспотович Астананы алға шығарған. Алайда қапталдағы төреші оффсайдта қалғанын аңғарып, голды есепке алмады. Артынша шабуыл кезіндеБруну Фернандеш Спортингтің екінші голын соқты. Араға 10 минут сала дубль орындады. 80 минуттаПатрик Твумасиесепті қысқартты. Алдына келген допты қақпаға дәл бағыттады. Ойын аяқталар сәттеДмитрий Шомкотура соққысымен допты дәл бағыттап, таразы басын теңестірді. Алайда қос ойын қорытындысы бойынша лиссабондық клуб 1/8 финалға жолдама алды. Естеріңізде болса Астанада өткен бірінші ойында Спортинг 3:1 есебімен жеңіске жеткен болатын. Спортинг (Лиссабон, Португалия) Астана (Астана, Қазақстан) 3:3 (1:1) Гол соққандар: Дост 3 (1:0), Томасов 37 (1:1), Фернандеш 53 (2:1), Фернандеш 63 (3:1), Твумаси 80 (3:2), Шомко 90+4 (3:3) Ескерту алған: Кляйнхайслер 59 Спортинг: Патрисиу, Коэнтрау, Пинту, Рибейру (Акунья 46), Фернандеш, Ристовски, Батталья, Руис (Карвалью 60), Матье, Дост, Пальинья (Леау 74) Астана: Эрич, Шомко, Аничич, Постников, Шитов, Маевский, Бейсебеков, Кляйнхайслер (Станоевич 60), Томасов, Твумаси (Муртазаев 87), Деспотович (Щеткин 66) Бас төреші: Томаш Богнар (Венгрия) 22 ақпан. Лиссабон. Жозе Алваладе.