Арман Оспанов Алматыда жекпе-жек өткізеді

"Сұңқар" ресейлік тәжірибелі ережесіз жекпе-жек шебері Расул Мирзаевпен жұдырықтасады. ММА спортында 20 кездесу өткізген. Оның 18-де жеңіске жетсе, 2 рет жеңілген. 

Арман мен Расул 2018 жылы Мәскеуде өткен АСВ 90 турнирінде жекпе-жек өткізуі қажет еді. Алайда қазақстандық спортшы жарақат алуына байланысты жекпе-жекке қатысудан бас тартты. Ал Расул Мирзаев болса қазақстандық тағы бір спортшы Ержан Естановпен үш мәрте кездесіп, бәрінде жеңіске жеткен.

Естеріңізге сала кетейік, соңғы жекпе-жегінде Арман Оспанов ресейлік Алексей Полпудниковпен кездесіп, екінші раундта нокаутпен жеңілді.