Алматыда допингке қарсы ақпараттық-білім беру семинары өтті

Бүгінгі таңда Қазақстанның ауыр атлетика Федерациясы допингтен еркін спортшылардың жаңа ұрпағын өсіру бағытында бар күшін салуда.

Семинар бағдарламасы төмендегі сұрақтарды қамтыды:

- Адал күрес – спортшының негізгі қағидасы;

- Допинг – денсаулық үшін қауіпті;

- Спортшыларды фармакологиялық қамтамасыз ету мен оның мақсаттылығы;

- Допинге қарсы ережелерді қадағалауда жаттықтырушының рөлі және т.б.

Семинар жұмысына өз мансаптарын жаңа ғана бастайтын, бәлкім, төрт жылдан кейін, яғни 2020 жылы Токиодағы Олимпиада ойындарында Республикамыздың намысын қорғай алатын - Алматы, Оңтүстік-Қазақстан, Қызылорда облыстарынан келген 200-ден астам жас ауыр атлетшілеріміз қатысты.

ҚР Ауыр атлетика Федерациясының бас хатшысы Омар Мұстафин балаларға арналған сөзінде:

- Спортта допинг түңілуден басқа ештеңе әкелмейді. Тек қана адал және ашық күрес жеңіспен, жарысқа қатысу сәттерімен толықтай кенелуге мүмкіндік береді, - деді.

Мамандардың сөз сөйлеулерінен басқа, жас спортшылармен интерактивті әңгіме өткізілді, ең кішкентай зілтеміршілер ойындар мен сайыстарға қатысты.

Сондай семинарлар ай сайын өткізілмек. Келесі іс-шара ағымдағы жылдың наурыз айында жалғасын табады.