Түркия мен Қазақстан күрес түрлерінен 2019 жылы өтетін әлем чемпионатын өткізуге өтініш берді. Бұл туралы Бүкіләлемдік күрес одағының (UWW) президенті Ненад Лалович айта кетті, - деп жазады Р-Спорт. 2019 жылғы әлем чемпионатында Токио Олимпиадасына лицензия беріледі. Жарыс жылдың екінші жартысына жоспарланған. - Күрес түрлерінен 2019 жылғы әлем чемпионатын өткізуге Стамбул мен Алматы қалаларынан өтініш келіп түсті. Біз бұл елдердің жарысты өткізу мүмкіндіктерін толықтай саралайтын боламыз. Таңдау маусым айында жасалып, UWW атқарушы комитетіне ұсынылады. Олардың отырысы шілде айының соңы мен тамыздың басында Римде өтеді. Сонда атқарушы комитет өкілдерінің таңдауы бойынша соңғы шешім жарияланатын болады, - деді Ненад Лалович. Айта кетейік, 2018 жылғы күрес түрлерінен әлем чемпионаты қазан айында Будапештте өтеді.