UFC Шавкаттың жекпе-жегін ресми түрде хабарлады

Шавкат бұған дейін белгілі болғандай, ирландиялық Иэн Гэрримен (15-0) шайқасады. Жартылай орта салмақтағы жекпе-жек 7 желтоқсан күні Лас-Вегаста өтеді. 

Турнирдегі өзгерістер жайлы UFC президенті Дана Уайт хабарлады. 

Бұл турнирдің басты жекпе-жегінде Шавкат чемпион Белал Мұхаммедпен кездесуі керек болған. Алайда қарсыласы аяқ саусағына ота жасатып, кездесуден бас тартты. Нәтижесінде UFC ұйымы қазақстандық спортшыға жаңа қарсылас іздеуге кіріскен еді. 

Иэн Гэрри - ирландиялық спортшы. Шавкаттан жас, 27-де. Дзюдодан қара белбеу иегері. Бокспен де шұғылданған. Жекпе-жектегі стилі - бокс және дзюдо әдістері.

Шавкат секілді жеңіліссіз келеді: 15-0. UFC-де 2021 жылдан бері бақ сынайды. 8 жекпе-жек өткізген. Олардың қатарында Джефф Нил мен Майкл Пейдж де бар. Рейтингте 7-орында тұр.