Champions Swim Series. Баландин финалдық кезеңде күміс алды

Қазақстандық спортшы аталған қашықтықты 2 минут 10.02 секундта жүзіп өтіп, ресейлік Антон Чупковты ғана алға оздырып алды. Екі спортшының арасын 1,04 секунд қана бөлді. Қола медаль нидерландылық спортшы Арно Каммингаға бұйырды.

Еске сала кетейік, Дмитрий Баландин Будапештте өткен турнирдің екінші кезеңінде қола медаль жеңіп алған болатын. Ал турнирде жеңіске жеткен ресейлік Антон Чупков Рио Олимпиадасының қола жүлдегері. 

Жүзуден Champions Swim Series турнирінің финалдық кезеңі, 200 метр, брасс. Ерлер:

1. Антон Чупков (Ресей) - 2.08.98
2. Дмитрий Баландин (Қазақстан) - 2.10.02
3. Арно Камминга (Нидерланд) - 2.10.04