Cабина Алтынбекова Ақтөбеде жеке волейбол клубын ашады

Спортшының айтуына қарағанда, жаңадан құрылатын командада ер адамдар да әйелдер де спортпен шұғылданатын болады.

- Әйелдерден құрылған команда үшін жоғарғы лига мен премьер лига құрғымыз келеді. Мақсатымыз – волейбол ойнағысы келетін кішкентай қыздардың арманын орындау, - дейді спортшы.

Сабинаға спорттан өзге сән саласынан түрлі ұсыныстар түскені айтылып, жазылып жүр. Дегенмен волейболшы бірінші орынға спортты қойып келеді.

- Мен бала кезімнен өмірімді спортпен байланыстыруды армандадым. Алға қойған мақсатым көп. Соған жетуге күш саламын, - деді спортшы.

Айта кетейік, қазіргі таңда Сабина Алтынбекова ұлттық лигадағы 23 жасқа дейінгі «Алматы» клубында ойнап жүр.