Кінәлі тек армия емес - министр сарбаздардың өлімі туралы

"Біріншіден, жастар неге өзіне қол жұмсайтынын түсінуіміз керек. Бұған кінәлі тек армия емес қой. Ол армияға келгені, ал әскери қызметкерлердің өміріне командир жауапты екені анық, бірақ ол адам әлдеқашан есейген, азаматтық қоғамнан шығып, бізге жеке мәселесімен келген адам. Әскердің міндеті - келген адамның проблемаларын жою", - деді Жақсылықов Мәжілісте журналистер сұрағына жауап беріп.

Айта кетейік, бұған дейін премьер-министрдің орынбасары Ералы Тоғжанов мерзімді әскери қызметтен бас тарту дұрыс емес екенін айтқан болатын.