WSB жобасының финалы Астанада өтеді

Чемпиондық атаққа талас 15 шілде күні "Қазақстан" спорт кешенінде болады. Финалдық кездесулердің барлығы да (10 жекпе-жек) бір күнде өтеді деп жоспарлануда. 

Еске салайық, Бүкіләлемдік бокс сериясының (WSB) биылғы маусымының финалында елордалық "Астана арландары" мен кубалық "Куба қабыландары" командалары кездеседі. Бұл жобада біздің клуб 2013 және 2015 жылдары топ жарса, кубалық команда 2014 және 2016 жылдары жеңіске жеткен. Алдағы кездесуде жеңіске жеткен команда жобаның ең табысты ұжымы атанады.