Қазақ футболшылары Әзірбайжан құрамасын ұтты (видео)

Тартысқа толы өткен ойындағы жалғыз гол бірінші таймда соғылды. Бауыржан Исламханның әуелете асырған добын Мақсат Байжанов қарсыластар қақпасына баспен дәл тоғытты. Нәтижесінде қарағандылық «Шахтер» клубының ойыншысы ұлттық құрамаға жеңіс сыйлаған голды соқты.  

Айта кетейік, қазіргі таңда Қазақстан құрамасын отандық футбол мамандары Талғат Байсуфинов, Нұркен Мазбаев, Юрий Новиков пен Андрей Феропонтов жаттықтыруда.

29 наурыз күні Қазақстан құрамасы Тбилисиде Грузия құрамасымен жолдастық кездесу өткізеді.