«Астана» жолдастық кездесуде «Мариборды» жеңді

Станимир Стойлов шәкірттері қарсылас қақпасында тулаған екі допты да бірінші таймда соқты. Алдымен 12 минутта Серікжан Мұжықов есеп ашса, араға 12 минут сала Джордже Деспотович есепті еселеді. Словениялық клуб кезекті шабуылдарының бірінде гол соққанымен, бас төреші нәтижені есепке алған жоқ. Ал екінші таймда қос клуб таблодағы нәтижеге өзгеріс енгізе алған жоқ.

Айта кетейік, «Астана» словениялық клубпен алғаш рет кездесіп отырған жоқ. Өткен маусымдағы Чемпиондар лигасының екінші іріктеу кезеңінде «Мариборды» қос ойын қорытындысы бойынша жарыс жолынан шығарған болатын.