Альварестің Головкинмен жекпе-жегі әзірге болмайды – Де Ла Хойя

Де Ла Хойяның айтуынша, Альварес орташа салмақтың боксшысы емес. "Ол Коттомен 155 фунтта жұдырықтасады. Коттоның шарты сондай болды. "Канело" 155 фунтты оңай бағындыра алады. Сондықтан ол 160 фунтта жекпе-жектерге дайын болғанда біз осы салмақтағы ең үздік боксшылармен жұдырықтасамыз. Біз "Канело" және Котто жекпе-жегінде не болатынын әзірге білмейміз. Матч-реванштың болуы мүмкін бе? Кім біледі? "Канело" үздіктермен жұдырықтаса ма? Жұдырықтасады! Ол Головкинмен кездесе ме? Сөзсіз", – деді промоутерлік компанияның басшысы.

Айта кетейік, Котто мен Альварес 21 қарашада Лас-Вегаста кездеседі. Онда орта салмақта WBC тұжырымы бойынша әлем чемпионы титулы тігіледі. Бұл жекпе-жекте жеңіске жеткен боксшы Головкинмен жұдырықтасуы міндетті.