Касильяс "Манчестер Ситиге" ауысуы мүмкін

Mundo Deportivo басылымы мадридтік "Реалдың" қақпашысы Икер Касильяс ағылшын алпауыты "Манчестер Ситиге", ал лондондық "Челсидің" жартылай қорғаушысы Хуан Мата мадридтік «Атлетикоға» ауысуы мүмкін деп жазуда.

Өздеріңіз білетіндей, қос ойыншыға да соңғы уақытта ойын практикасы жетіспей жүр: Касильяс негізгі құрамды Диего Лопеске беріп қойса, ал Мата Жозе Моуриньюдің сеніміне кіре алмай келеді.

Ертеректе Касильястың "Шалькеге" алты айға жалға баратыны туралы да айтылып еді. Алайда, "корольдік клубтың" бас бапкері Карло Анчелотти испан қақпашысын ешқайда жібермейтінін айтқан болатын.

Дайындаған: Әкежан Дәкен

сурет: football.sport-express.ru