Қазақ балуандарына қарымды қарсылас болған танымал спортшы қаза болды

Балуанның неден қайтыс болғаны белгісіз. Алдын ала айтылған мәліметтер бойынша, спортшы суицид жасаған. Sportball24.com ақпараты бойынша, кейінгі жарты жылда Нугзари Цурцумияның ата-анасы және ағасы қаза тапқан. Бұл спортшыға ауыр соққы болған. 

Нугзари Цурцумия ұзақ жылдар бойы 55 кило салмақта белдесіп, соңғы өткен 5 әлем чемпионатында қатарынан жүлде алды. Мәселен, 2018 және 2021 жылдары қола жүлдегер атанса, 2019 Астанада өткен әлем чемпионатында жеңімпаз болды. Сол жолы ол финалда қазақстандық Қорлан Жақаншадан басым түсті. 

2022-2023 жылдары финалға дейін жетіп, әлем чемпионатында екі рет күміс жүлдегер атанды. Сондай-ақ, ол Еуропа чемпионатының 4 дүркін жүлдегері еді.