Боксшы Нұрбек Оралбай Олимпиаданың финалына шықты

80 килоға дейінгі салмақта өткен жекпе-жекте отандасымыз шабуылда ширақ, қорғаныста мығым жұдырықтасты. Қарсыласына соққыларын дәл тигізіп, өз мүмкіндігін ұтымды пайдалана білді. Осылайша төрешілердің 3:2 шешімімен отандасымыз финалға жолдама алды. 

Қолдаған қазақ еліне алғысымды айтамын. Мұнымен тоқтамаймыз. Алда финал. Ағайлардың айтуымен, тактикасымен бәрі ойдағыдай өтті. Қарсыласым осал болған жоқ, - деді жекпе-жек соңынан Нұрбек.

Нұрбек ұлттық құрама сапында жартылай финалға шыққан жалғыз боксшы болатын. Ерлер құрамасындағы өзге боксшылар жүлделі орынға жете алмады.